හිටපු ධීවර අමාත්‍ය ඩග්ලස් දේවානන්දගේ නායකත්වයෙන් යුත් දෙමළ පක්ෂයක් වන ඊළාම් ජනතා ප්‍රජාතන්ත්‍රවාදී පක්ෂය (EPDP) බෞද්ධ භික්ෂූන් වහන්සේලා දෙනමක් ඉදිරිපත් කර බෞද්ධ භික්ෂූන් වහන්සේ නමක් ඉදිරිපත් කළ පළමු දෙමළ පක්ෂය බවට ඉතිහාසගත වී තිබේ.
කොළඹ දිස්ත්‍රික්කයෙන් ඊ.පී.ඩී.පී.ය නියෝජනය කරමින් පූජ්‍ය කිරිඑබ්බනාරේ විජිත හිමි සහ පූජ්‍ය උඩවලවේ ජිනසිරි හිමි යන හිමිවරු සහභාගි වෙති.
“ජාතික සංහිඳියාව ඇති කිරීම සඳහා හිටපු අමාත්‍ය ඩග්ලස් දේවානන්ද මහතාගේ නායකත්වයෙන් යුත් ඊපීඩීපී පක්ෂයෙන් මහ මැතිවරණයට ඉදිරිපත් වීමට මා තීරණය කළා. අපේ එකම උත්සාහය ජාතික සංහිඳියාව ඇති කිරීම මිස අපි තනතුරු පසුපස යන්නේ නැහැ. අපට අවශ්‍ය එක ශ්‍රී ලාංකීය ජාතියක් ගොඩනඟා ගැනීමටයි” යනුවෙන් නාමයෝජනා භාරදීමෙන් අනතුරුව මාධ්‍ය වෙත අදහස් දක්වමින් විජිත හිමියෝ පැවසූහ.
කොළඹ දිස්ත්‍රික්කයේ EPDP ලැයිස්තුව දෙමළ, මුස්ලිම් සහ සිංහල යන මේ සියලු ජන කොටස් නියෝජනය කරයි.
