චීනය ශ්‍රී ලංකා පොලිසියට පරිගණක, යතුරුපැදි පරිත්‍යාග කරයි

මහජන චීන සමූහාණ්ඩුව විසින් RANOMOTO යතුරුපැදි 26 ක් සහ LENOVO පරිගණක පරිගණක 100 ක් නිල වශයෙන් ශ්‍රී ලංකා පොලිස් දෙපාර්තමේන්තුව වෙත ප්‍රදානය කිරීම ජනාධිපති ලේකම් කාර්යාලයේ පැවති උත්සවයකදී සිදු විය.

පොලිස්පති සී.ඩී. වික්‍රමරත්න, ජාතික ආරක්ෂාව පිළිබඳ ජනාධිපති ජ්‍යෙෂ්ඨ උපදේශක සහ ජනාධිපති කාර්ය මණ්ඩල ප්‍රධානී සාගල රත්නායක මහතා, ශ්‍රී ලංකා පොලිස් දෙපාර්තමේන්තුවේ මෙහෙයුම් හැකියාවන් ඉහළ නැංවීමේ අරමුණින් චීනයේ තානාපති Qi Zhenhong මහතා සමඟ සම්බන්ධීකරණය කර ඇත.

ශ්‍රී ලංකාවේ චීන තානාපති Qi Zhenhong මහතා විසින් ජනාධිපති රනිල් වික්‍රමසිංහ මහතා වෙත භාණ්ඩ ප්‍රදානය කිරීමත් සමඟ ඊට අදාළ ලිපි ලේඛන නිල වශයෙන් භාරදීම සිදු විය.

මෙම උත්සවයට චීන තානාපති කාර්යාලයේ ජ්‍යෙෂ්ඨ නිලධාරීන් පිරිසක්, පොලිස්පති සී.ඩී. වික්‍රමරත්න, ජ්‍යෙෂ්ඨ නියෝජ්‍ය පොලිස්පති (පරිපාලන) නිලන්ත ජයවර්ධන යන මහත්වරුන් ඇතුළු පොලිස් දෙපාර්තමේන්තුවේ උසස් නිලධාරීහු ද සහභාගි වූහ.

Leave a Reply

Your email address will not be published. Required fields are marked *