කොළඹ අහසේ අසාමාන්ය දුමාරයට හේතුව ඉන්දියාව දෙසින් හමන සුළං – කාලගුණ දෙපාර්තමේන්තුව

‘අක්වාන්’ (Akvan) සුළි කුණාටුව හා බැඳුණු සුළං රටාවන්හි සිදුවන වෙනස්කම් හේතුවෙන් ඉදිරි දින කිහිපය තුළ ශ්රී ලංකාවේ වායු ගුණාත්මකභාවය පහළ යාම සහ දුමාර සහිත (Hazy) කාලගුණික තත්ත්වයන් ඇතිවිය හැකි බවට කාලගුණ විද්යා දෙපාර්තමේන්තුව අනතුරු අඟවා තිබේ.
කාලගුණ විද්යා දෙපාර්තමේන්තුවේ නිලධාරියෙකු ප්රකාශ කළේ, කොළඹ නගරයට ඉහළින් නිරීක්ෂණය වූ අසාමාන්ය දුමාර තත්ත්වය සුළි කුණාටු පද්ධතියේ බලපෑම යටතේ ඉන්දියාව දෙසින් ශ්රී ලංකාව දෙසට හමා එන සුළං ප්රවාහයන් සමඟ සම්බන්ධ වී ඇති බවයි.
පවතින වායුගෝලීය තත්ත්වයන් හේතුවෙන් ඉදිරි දිනවලදී දිවයිනේ ප්රදේශ කිහිපයකම වායු ගුණාත්මකභාවය අඩුවීමට ඉඩ ඇති බව එම නිලධාරියා පැහැදිලි කළේය.
මෙම දුමාර සහිත තත්ත්වය රාත්රී කාලයේදී සහ අලුයම් කාලයේදී වඩාත් කැපී පෙනෙනු ඇතැයි අපේක්ෂා කරන අතර, පස්වරු කාලයේ ඇතැම් අවස්ථාවලදී ද ඊට සමාන තත්ත්වයන් ඇතිවිය හැකිය. මීදුමත් සමඟ මෙම දුමාරය ඇතිවිය හැකි බැවින් දෘශ්යතාවට (Visibility) බාධා එල්ල විය හැකි බව ද දෙපාර්තමේන්තුව සඳහන් කරයි.
කොළඹ නගරයේ පවතින අසාමාන්ය දුමාර තත්ත්වය පිළිබඳව කනස්සල්ල මතුව ඇති පසුබිමක මෙම අනතුරු ඇඟවීම නිකුත් කර ඇති අතර, මෙම කාලගුණික තත්ත්වයන් පවතින තුරු අවධානයෙන් පසුවන ලෙස මහජනතාවගෙන් ඉල්ලා සිටිනු ලැබේ.




