කුලියාපිටිය මූලස්ථාන ප්‍රධාන පොලිස් පරීක්ෂකවරයා ලබන 22 දක්වා රිමාන්ඩ් බාරයේ තබන්නැයි කුලියාපිටිය අතිරේක දිසාවිනිසුරු දිනිදු සමරසිංහ මහතා නියෝග කළේය.
ඒ පවුල් ආරවුලක් විසඳීමේදී බිරියගේ පාර්ශවයට වාසි සහගත ලෙස කටයුතු කරමින් ස්වාමියාට පහරදුන් බව කියන සිද්ධියකට කොට්ඨාස බාර ජේෂ්ඨ පොලිස් අධිකරි මහේෂ් කුමාරසිංහ මහතා කුලියාපිටිය අධිකරණයට කරුණු දැක්වීමෙන් අනතුරුව එම නියෝගය කළේය.
සැකකාර මූලස්ථාන ප්‍රධාන පොලිස් පරීක්ෂක වජිර ඉන්ද්‍රජිත්ට එරෙහිව අධිකරණයේ නීතිඥයන් රැසක් පෙනී සිට කරුණු දැක්වීම විශේෂත්වයකි.
