ශ්‍රී ලංකා ක්‍රිකට් ආයතනය පැවසුවේ ක්‍රීඩා හා යෞවන කටයුතු අමාත්‍ය රොෂාන් රණසිංහට එරෙහිව රුපියල් බිලියන 2.4ක වන්දියක් ඉල්ලා කොළඹ දිසා අධිකරණය හමුවේ අපහාස නඩුවක් ගොනු කර ඇති බවයි.
“අමාත්‍යවරයා විසින් දිගින් දිගටම කරන ලද සහ හානිදායක අපහාසාත්මක ප්‍රකාශවලට ප්‍රතිචාර වශයෙන් ශ්‍රී ලංකා ක්‍රිකට් ආයතනය සිය කීර්තිනාමය සහ අඛණ්ඩතාව ආරක්ෂා කර ගැනීම සඳහා තීරණාත්මක පියවරක් ගෙන තිබේ.
එබැවින්, 2023 නොවැම්බර් 13 වන දින, ශ්‍රී ලංකා ක්‍රිකට් ආයතනයේ සභාපති, උප සභාපති සහ භාණ්ඩාගාරික එක්ව ශ්‍රී ලංකා ක්‍රිකට් වෙනුවෙන් දිසා අධිකරණය හමුවේ අපහාස නඩුවක් ගොනු කළ බව ශ්‍රී ලංකා ක්‍රිකට් ආයතනය නිවේදනයක් නිකුත් කරමින් කියා සිටියේය.
