ජාත්යන්තර මූල්ය අරමුදල (IMF) විසින් නියම කර ඇති කොන්දේසි සහ ඉදිරියේදී පැවැත්වීමට නියමිත ජාතික මැතිවරණයට පෙර ජනතාවට සහන ලබා දීමේ අවශ්යතාවය අතර සමතුලිතතාවයක් ඇති කර ගැනීමට බොහෝ අරගල මධ්යයේ සකස් කරන ලද 2024 සඳහා වන වාර්ෂික අයවැය අද රජය විසින් පාර්ලිමේන්තුවට ඉදිරිපත් කිරීමට අපේක්ෂා කෙරේ.
ජාත්යන්තර මූල්ය අරමුදලේ වැඩසටහනට අනුව, රජයට ප්රධාන වශයෙන්ම අවශ්ය වන්නේ වසර අවසානයේදී රාජ්ය වියදම් කපා හරිමින් තම ආදායම් ඉලක්ක සපුරාලීමයි.
නැවත වරක් වර්ධන වේගය නැවත ලබා ගනිමින් ආර්ථිකයේ දිගුකාලීන ස්ථාවරත්වය සහතික කිරීම වැදගත් වුවද IMF පියවරයන් පිළිපැදීම ජනතාවාදී නොවේ.
එහෙත් රාජ්ය සේවකයන් ඇතුළු ජනතාවට යම් යම් සහන සැලසීමට ඉඩක් ලබා ගැනීමට ජාත්යන්තර මූල්ය අරමුදල සමඟ කේවල් කරමින් සිටින අතරවාරයේදී අයවැය සැකසීමේදී ජනාධිපති රනිල් වික්රමසිංහ මහතා ඇතුළු රජයේ ප්රධානීන් දැඩි අසීරුතාවකට පත් විය. කෙසේ වෙතත්, එය කප්පාදු පියවරයන් සමඟ ඉදිරියට යා යුතුය.
රජයේ සේවකයන්ගේ වැටුප් වැඩිවීමක් සහතික කරන බව කැබිනට් මණ්ඩලය මීට පෙර නිවේදනය කළේය. දැනට බදු වශයෙන් එකතු කරන රාජ්ය ආදායමෙන් වැඩි ප්රමාණයක් වැටුප් හා විශ්රාම වැටුප් ගෙවීම සඳහා වැය කෙරේ. තව දුරටත් වැටුප් වැඩි කිරීම රජයේ ආදායම් අර්බුදය උග්ර කරන නමුත් එය තෝරාගෙන ඇත. අත්යාවශ්ය ද්රව්යවල මිල ඉහළ යාමත් සමඟ සමාජයේ පුළුල් පරාසයක ජනතාව දුෂ්කරතාවන්ට මුහුණ දෙති. ඒ හේතුවෙන් ඔවුන් අයවැයෙන් සහන බලාපොරොත්තු වීම ස්වභාවික සංසිද්ධියකි. එසේම ලබන වසරේ පැවැත්වීමට නියමිත ජනාධිපතිවරණයට අදාළ උපාය මාර්ග පිළිබඳවද රජය අවධානයෙන් පසුවෙයි.
ආණ්ඩුවේ ප්රධාන පක්ෂය වන ශ්රී ලංකා පොදුජන පෙරමුණ ද සමෘද්ධි සුබසාධන යෝජනා ක්රමය රඳවා තබා ගැනීම, රාජ්ය සේවකයන්ගේ වැටුප් වැඩි කිරීම සහ එක් එක් මැතිවරණ කොට්ඨාශ මන්ත්රීවරුන්ට ඒ ඒ කොට්ඨාශවල සංවර්ධන ව්යාපෘති ක්රියාත්මක කිරීම සඳහා මුල්ය ප්රතිපාදන ලබා දීම වැනි ඉල්ලීම් කිහිපයක් ඉදිරිපත් කළේය. .
ශ්රී ලංකා පොදුජන පෙරමුණ අපේක්ෂා කරන ආකාරයට රජය මෙම ඉල්ලීම්වලට එකඟ නොවිය හැකි නමුත් පක්ෂය අයවැයට ඡන්දය නොදෙනු ඇත. ශ්රී ලංකා පොදුජන පෙරමුණට ආන්ඩුව පෙරලීමට මේ මොහොතේ විකල්පයක් නැත. එහෙත් මෙම දුෂ්කර කාලය තුළ දේශපාලනයේ රැඳී සිටීමට ජනතාවාදී ඉල්ලීම් කිහිපයක් කිරීමට එයට සිදු වේ.
