ඉන්දීය සුප්‍රකට ව්‍යාපාරික ගෞතම් අදානිට එල්ලවී ඇති අල්ලස් චෝදනාවලට අදාළව අමෙරිකාවේ සුරැකුම්පත් සහ විනිමය කොමිසම සිතාසි නිකුත් කර තිබේ.
එමෙන්ම ඔහුගේ බෑණනුවන් වන ‘Adani Green’හි විධායක අධ්‍යක්ෂ සාගර් අදානිට ද එම චෝදනා සම්බන්ධයෙන් සිතාසි නිකුත් කර ඇත.
ඒ පුනර්ජනනීය බලශක්ති ව්‍යාපෘති තම සමාගම වෙත ලබාගැනීමේ අරමුණින් ඉන්දීය නිලධාරීන් වෙත අල්ලස් ලබාදී ඇති බවටත්, අමෙරිකානු ආයෝජකයින් ඇතුළු ජාත්‍යන්තර ආයෝජකයින් මුලාකර ඇති බවටත් යන චෝදනාවලට අදාළව ය.
ඒ අනුව දින 21 තුළ නිව්යෝර්ක් හි අධිකරණයක් වෙත වාර්තා කරන ලෙසට අමෙරිකාව ඔවුන්ට නියෝග කර ඇත.
