තාක්ෂණය සමඟ මානව සම්පත් සහ ආයතනික ධාරිතාව කෙරෙහි අවධානය යොමු කරමින් රටේ ඩිජිටල් පරිවර්තනය ශක්තිමත් කිරීම සඳහා ශ්රී ලංකාව ජාත්යන්තර සංවර්ධන හවුල්කරුවන් සමඟ සාකච්ඡා ආරම්භ කර තිබේ.
වඩාත් ඇතුළත් සහ ඵලදායී ඩිජිටල් අනාගතයක් සඳහා රට සූදානම් කිරීමේ අරමුණින් ජූලි 13 වන දින අලුතින් පිහිටුවන ලද ඩිජිටල් පරිවර්තනය පිළිබඳ සංවර්ධන හවුල්කාර ක්රියාකාරී කණ්ඩායමේ සමාරම්භක රැස්වීම පැවැත්විණි.
ඩිජිටල් ආර්ථිකය පිළිබඳ නියෝජ්ය අමාත්ය එරංග වීරරත්න සහ එක්සත් ජාතීන්ගේ නේවාසික සම්බන්ධීකාරක මාර්ක්-ඇන්ඩ්රේ ෆ්රැන්චේ යන මහත්වරුන් විසින් මෙම සාකච්ඡාවේ සම සභාපතිත්වය දරන ලදී. ඩිජිටල් ආර්ථික අමාත්යාංශයේ ලේකම් වරුණ ශ්රී ධනපාල, එක්සත් ජාතීන්ගේ නියෝජිතයින් සහ ජාත්යන්තර සංවර්ධන හවුල්කරුවන් ද මෙම රැස්වීමට සහභාගී වූහ.
