රටේ ආර්ථිකය පිළිබඳ සත්ය අවබෝධ කර නොගෙන බලය ගැනීමට දුන් දේශපාලන පොරොන්දු නිසා ජනතාවට දැඩි පීඩා විඳින්නට සිදු වූ බව ජනාධිපති රනිල් වික්රමසිංහ මහතා පැවසීය.
එම වරද කරන්නට තමා සූදානම් නැතැයි කී ජනාධිපතිවරයා සත්යයට මුහුණ දෙමින් රටට සුබවාදී අනාගතයක් ගොඩනගා ගැනීමට සියලුදෙනා කටයුතු කළයුතු බව කීය.
ජනාධිපති රනිල් වික්රමසිංහ මහතා මේ බව කීවෙි “යුනයිටඩ් යූත් තරුණ එකමුතුව “ තරුණ අපේ අනාගතය” නමින් සංවිධානය කළ සුහද හමුවට එක්වෙමිනි. තැප්රොබේන් ඒන්ටර්ටේට්මන්ට්හීදි මෙම හමුව පැවැත්විණි.
මෙහිදී අදහස් දැක්වූ ජනාධිපතිවරයා කීවෙි රටේ ආර්ථිකය ගොඩනැගීමේදී කඩිනමින් අපනයන ආර්ථිකයකට යොමු විය යුතු බවයි.
විවිධ ක්ෂේත්ර නියෝජනය කරන තරුණ තරුණියන් විශාල පිරිසක් මෙම හමුවට එක්ව සිටි අතර, ඔවුන්ගේ ප්රශ්න ඍජුවම ජනාධිපතිවරයා වෙත ඉදිරිපත් කිරීමට ද මෙහිදී අවස්ථාව සලසා දී තිබිණි.
