දුම්රිය බලපත්ර සඳහා අන්තර්ජාලය ඔස්සේ දුම්රිය ආසන වෙන්කිරීම, වෙන්කළ ‘ඊ’ ප්රවේශපත්ර හරහා දුම්රියෙන් ගමන් කිරීමට අවසර දීම සහ සෑම ආසන වෙන් කිරීමක්ම ඕටීපී හරහා තහවුරු කිරීම යන ක්රියාවලිය ඉදිරියේදී සම්පූර්ණයෙන්ම මාර්ගගත ක්රමයට පමණක් ක්රියාත්මක කිරීමට දුම්රිය දෙපාර්තමේන්තුව පියවර ගෙන තිබේ.
එම ක්රියාවලිය ආරම්භ කිරීමේ නිල උත්සවය අග්රාමාත්ය දිනේෂ් ගුණවර්ධන මහතාගේ ප්රධානත්වයෙන් කොළඹ කොටුව දුම්රිය ස්ථානයේදී අද (14) පස්වරු 6.30 ට පැවැත්වෙන අතර එය සම්පූර්ණයෙන්ම මාර්ගගත ක්රමයට පමණක් ක්රියාත්මක වන දිනය පසුව දැනුම්දීමට නියමිතය.
දුම්රිය බලපත්ර සඳහා සහ අන්තර්ජාලය හරහා ප්රවේශ පත්ර ලබා ගැනීමට දුම්රිය බලපත්රලාභින් http://seatreservation.railway.gov.lk/mtktwebslr/ සබැඳිය ඔස්සේ ප්රවේශපත්ර වෙන්කරවා ගත හැකි බවත් බලපත්රයේ අවශ්ය තොරතුර පද්ධතියට ඇතුළු කිරීමෙන් පසුව එම තොරතුරුවලට ගැලපෙන පරිදි තම ආසනය අන්තර්ජාලය ඔස්සේ වෙන්කරවා ගැනීමට බලපත්ර ලාභීන්ට හැකි අතර ඒ අනුව ප්රවේශපත් පත් වෙන් කරවාගැනීමේදී පෝලීම්වල නොසිට තමන් සිටින ස්ථානයේ සිට බලපත්ර හරහා රාජ්ය සේවකයන්ට ආසන වෙන් කරවා ගැනීමට මේ හරහා අවස්ථාව හිමිවේ.
එකී ආසන වෙන්කිරීම කර දින 7 ක් ඇතුළත හෝ දුම්රිය ගමනට පැය 48 කට පෙර හෝ යන දෙකේ පළමුව එළැඹෙන අවස්ථාවට පෙර බලපත්ර හිමියා තම බලපත්රය ආසන වෙන්කිරීමේ පහසුකම ඇති දුම්රිය ස්ථානය වෙත ඉදිරිපත් කිරීම අනිවාර්යය වේ.
ආසන වෙන් කිරීමේ පද්ධතිය හරහා ලබාගනු ලබන ප්රවේශ පත්රයක් තවදුරටත් මුද්රණය කිරීමේ අවශ්යතාවයක් නොවන අතර මගියා විසින් මුද්රණය කරගත් ප්රවේශ පත්රය හෝ ප්රවේශ පත්රයෙහි මෘදු පිටපතක් ප්රමාණවත් වේ.
