සමගි ජන බලවේගයේ කුරුණෑගල දිස්ත්‍රික් සංවිධායකවරයෙකු වන අමිත බණ්ඩාර මහතා පක්ෂයෙන් නෙරපා හැරීම සඳහා සජිත් ප්‍රේමදාස මහතා ගත් තීරණයට කෘත්‍යාධිකාරී මණ්ඩලයේ ඒකමතික අනුමැතිය හිමි ව තිබේ.
මත්ද්‍රව්‍ය ළඟ තබාගැනීමේ චෝදනාවට පොලිස් අත්අඩංගුවට පත්වීම හේතුවෙන් සමගි ජන බලවේගය ඔහුගේ පක්ෂ සාමාජිකත්වය අත්හිටුවීමටත් දිස්ත්‍රික් සංවිධායක ධුරයෙන් ඉවත් කිරීමටත් තීරණය කර තිබිණි.
ඒ අනුව අමිත බණ්ඩාර මහතාගේ පක්ෂ සාමාජිකත්වය අහෝසි වන අතර, දිස්ත්‍රික් සංවිධායක ධුරයෙන් ඉවත් කිරීම සහ පක්ෂයෙන් නෙරපා හැරීමට ද ඒකමතික අනුමැති ය හිමි ව ඇත.
