ග්‍රාම නිලධාරී සේවා ව්‍යවස්ථාව මගින් ග්‍රාම නිලධාරීන්ගේ මූලික අයිතිවාසිකම් කඩවන බවට ග්‍රාම නිලධාරී සංගමයේ ජාතික සංවිධායක නෙවිල් විජේරත්න මහතා ශ්‍රී ලංකා මානව හිමිකම් කොමිෂන් සභාවට ඉදිරිපත් කළ පැමිණිල්ල සම්බන්ධයෙන් විමර්ශනය කිරීමට විමර්ශන මණ්ඩලයක් පත් කරන ලෙස ඉල්ලමින් ශ්‍රී ලංකා ග්‍රාම නිලධාරී සංගමය එම කොමිසමට නැවත වරක් පැමිණිල්ලක් ඉදිරිපත් කළේය.
ග්‍රාම නිලධාරී සංගමයේ ලිපිය බාර ගැනීමෙන් පසු ඊට අදාළ විමර්ශන මැයි මාසය තුළ සිදුකර නිර්දේශ ලබාදීම කඩිනමින් සිදුකරන බවට ප්‍රකාශ කළත් වසරක කාලයක් පුරා තම ඉල්ලීම්වලට ප්‍රතිචාර නොදැක්වීම හා ප්‍රමාද වීම තුළින් ස්වාධීන කොමිසම් සභාවක් ලෙස තම සංගමය තැබූ විශ්වාසය කඩ වී ඇති බව පවසමින් ශ්‍රී ලංකා ග්‍රාම නිලධාරී සංගමය මෙම ලිපිය භාරදී තිබේ.
