ලබන නොවැම්බර් මස අවසානයට පෙර මෙරට වයස අවුරුදු 18ට වැඩි සියලුදෙනා පූර්ණ එන්නත්කරණයට ලක්කිරීමට හැකිවනු ඇති බව සෞඛ්‍ය අමාත්‍ය කෙහෙලිය රඹුක්වැල්ල මහතා පවසයි.
සැප්තැම්බර් මාසය මැදභාගය වනවිට වයස අවුරුදු 30 ට වැඩි සියලු පුරවැසියන්ගේ එන්නත්කරණය අවසන් කිරීමට සැලසුම් කර ඇති බවද අමාත්‍යවරයා සඳහන් කළේය.
අද පෙරවරුවේ සෞඛ්‍ය අමාත්‍යාංශයේ පැවති හමුවකදී අමාත්‍ය කෙහෙලිය රඹුක්වැල්ල මහතා ඒ බව පැවසීය.
මෙරට පුරවැසියන් පූර්ණ එන්නත්කරණයකින් පසුව තුන්වන එන්නතක් ලබාදීම පිළිබඳව ද අවධානය යොමු කරන බව සෞඛ්‍ය අමාත්‍යවරයා එහිදී වැඩිදුරටත් සඳහන් කළේය.
