හිටපු ජනාධිපති මෛත්‍රීපාල සිරිසේන මහතා මහතා ඝාතනය කිරීම සඳහා මරාගෙන මැරෙන ප්‍රහාරයක් එල්ල කර ඇත්තේ 2008 වසරේදී වුවත් නීතීපතිවරයා විත්තිකරුවන්ට එරෙහිව චෝදනා ගොනු කර ඇත්තේ වසර 15කට පසු 2023 වසරේදී බව කොළඹ මහාධිකරණ විනිසුරු ආර්.එස්.එස්. සපුවිද මහතා විවෘත අධිකරණයේදී අවධාරණය කළේය.
හිටපු ජනාධිපති මෛත්‍රීපාල සිරිසේන මහතා ඝාතනය කිරීම සඳහා ඒ මහතා කෘෂිකර්ම ඇමතිවරයාව සිටියදී බොරලැස්ගමුව ප්‍රදේශයේදී මරාගෙන මැරෙන ප්‍රහාරයක් එල්ල කිරීම සඳහා ෂන්මුගරාජා ගජබාලනී නමැති කොටි බෝම්බකාරියට ආධාර අනුබල දුන් බවට කොටි සාමාජිකයින් දෙදෙනෙකුට එරෙහි නඩුව විභාගයට ගත් අවස්ථාවේදී විනිසුරුවරයා ඒ බව අවධාරණය කළේය.
2008 ඔක්තෝම්බර් පළමුවැනිදාත් 09 වැනිදාත් අතර කාලයේ මේ වන විට මියගොස් ඇති මරාගෙන මැරෙන කොටි බෝම්බකාරියක වු ෂන්මුගරාජා ගජබාලනී නමැත්තිය ඇතුළු පැමිණිල්ල නොදත් තවත් පිරසක් සමඟ එක්ව ඒ වන විට කෘෂිකර්ම ඇමතිවරයාව සිටි මෛත්‍රීපාල සිරිසේන මහතා ඝාතනය කිරීම සඳහා කුමන්ත්‍රණය කිරීම ඒ අනුව 2008 ඔක්තෝම්බර් 09 වැනිදා බොරලැස්ගමුවව ප්‍රදේශයේදී මෛත්‍රීපාල සිරිසේන මහතා ඝාතනය කිරීම සඳහා ඒ මහතා ගමන්ගත් රථ පෙළ ඉල්ලක් කර මරාගෙන මැරෙන ප්‍රහාරයක් එල්ල කිරීමට ෂන්මුගරාජා ගජබාලනී නමැති මරාගෙන මැරෙන කොටි බෝම්බකාරිට ආධාර අනුබල දීම ඇතු`ථ චෝදනා 17ක් යටතේ විත්තිකරුවන්ට එරෙහිව චෝදනා ගොනු කර ඇත.
මෙලෙස චෝදනා ලැබ සිටින්නේ කොටි සාමාජිකයින් බව කියන සේල්ලරාජා කිරුබාකරන් හෙවත් මොරිස් සහ තම්බයියා ප්‍රකාශ් හෙවත් ධනුෂ් නමැත්තන්ට එරෙහිවය.
නඩුව කැඳවු අවස්ථාවේදී මීට පෙර අවස්ථාවක නිකුත් කර තිබු සිතාසියකට අනුව හිටපු ජනාධිපති මෛත්‍රීපාල සිරිසේන මහතා අධිකරණයේ පෙනී සිටියේය.
පැමිණිල්ල වෙනුවෙන් පෙනී සිටි රජයේ නීතීඥවරයාගේ මෙහෙයවීම යටතේ පැමිණිල්ල වෙනුවෙන් සාක්කි දුන් හිටපු ජනාධිපති මෛත්‍රීපාල සිරිසේන මහතා මෙසේද කීය.
තමා ඝාතනය කිරීම සඳහා කොටි සාමාජිකයින් 2008 වසරේදී බොරලැස්ගමුව ප්‍රදේශයේදී මරාගෙන මැරෙන ප්‍රහාරයක් එල්ල කළා. ඒ වන විට තමා කෘෂිකර්ම ඇමතිවරයා වශයෙන් කටයුතු කළා. මරාගෙන මැරෙන බෝම්බ ප්‍රහාරයෙන් පසු ආරක්‍ෂාව සඳහා පැය දෙකකට අධික කාලයක් මා ඇතු`ථ මගේ ආරක්‍ෂාවට සිටි නිලධාරීන් බොරලැස්ගමුව පොලිසියට වී සිටියා.
සිද්ධිය පිළිබඳ විමර්ශන කළ ත්‍රස්ත මර්ධන කොට්ඨාශයේ නිලධාරීන් හෝ කිසිවකු මේ පිළිබඳ මගෙන් මේ වනතුරු ප්‍රකාශ ගත්තේ නැහැ.
මේ අවස්ථාවේදී අධිකරණයය ඇමතූ විනිසුරු ආර්.එස්.එස්. සපුවිද මහතා නඩුවේ සාක්කිකරු වන හිටපු ජනාධිපති මෛත්‍රීපාල සිරිසේන මහතා මහතා ඝාතනය කිරීම සඳහා මරාගෙන මැරෙන ප්‍රහාරයක් එල්ල කර ඇත්තේ 2008 වසරේදී වුවත් නීතීපතිවරයා විත්තිකරුවන්ට එරෙහිව චෝදනා ගොනු කර ඇත්තේ වසර 15කට පසු 2023 වසරේ දෙසැම්බර් 18 වැනිදා බවත් විත්තිකරුවන්ට එරෙහි චෝදනා පත්‍ර බාරදී ඇත්තේ 2024 වසරේදී බවත් පෙන්වා දුන්නේය.
