හිටපු ජනාධිපති මෛත්‍රීපාල සිරිසේන මහතා ශ්‍රී ලංකා නිදහස් පක්ෂයේ (ශ්‍රීලනිප) සභාපති ධුරයෙන් ඉවත් වූයේ නව නායකත්වයකට මග පාදා දෙමිනි.
ඒ අනුව ශ්‍රීලනිප විධායක සභාව කෝට්ටේ හෝටලයකදී තීරණාත්මක රැස්වීමක් සඳහා රැස්වූ අතර එහිදී අධිකරණ අමාත්‍ය විජයදාස රාජපක්ෂ මහතා නව සභාපතිවරයා ලෙස පත්කිරීමට ඒකමතික තීරණයකට එළඹ තිබේ.
විධායක කමිටුවේ සාකච්ඡා අවසන් වූයේ මේ වනවිට පක්ෂය මුහුණ දී සිටින ගැටලු රැසක් මධ්‍යයේය.
හිටපු ජනාධිපති මෛත්‍රීපාල සිරිසේන මහතාගේ නායකත්වයෙන් යුත් ශ්‍රීලනිප කන්ඩායම විසින් අප්‍රේල් 21 වන දින පැවති විධායක කමිටු රැස්වීමේදී ශ්‍රීලනිපයේ වැඩබලන සභාපතිවරයා ලෙස රාජපක්ෂ පත් කරන ලදී.
කෙසේ වෙතත්, අප්‍රේල් 24 වැනිදා කොළඹ දිසා අධිකරණය විසින් ශ්‍රීලනිපයේ වැඩබලන සභාපතිවරයා ලෙස කටයුතු කිරීම වළක්වාලමින් වාරණ නියෝගයක් නිකුත් කළේය.
ඊට ප්‍රතිචාර දක්වමින් විජයදාස රාජපක්ෂ මහතා විසින් එම අතුරු තහනම් නියෝගය අත්හිටුවන ලෙස ඉල්ලා පෙත්සමක් ගොනු කළ අතර එය අභියාචනාධිකරණය (CA) විසින් මැයි 7 වැනිදා ප්‍රතික්ෂේප කළේය.
