පළාත් පාලන ආයතන ඡන්ද විමසීමට අදාළව පොලිස් ස්ථානවලට පැමිණිලි හැත්ත එකක් ලැබී තිබෙන බව පොලිස් මාධ්‍ය කොට්ඨාසය සඳහන් කරයි.
පසුගිය මස 03වන දින සිට අද (04දා) දක්වා කාලය තුළදී මෙම පැමිණිලි ලැබී තිබෙන අතර, මෙම පැමිණිලිවලට අදාළව සැකකරුවන් හතළිස් පහක් අත්අඩංගුවට ගෙන තිබේ.
ලැබී තිබෙන පැමිණිලි සැලකීමේදී පැමිණිලි 20ක් මැතිවරණයට අදාළ අපරාධමය පැමිණිලි වශයෙන් ලැබී තිබෙන අතර, ඉතිරි පැමිණිලි පනහ මැතිවරණ නීති උල්ලංඝනය කිරීම් සිද්ධීන් පිළිබඳව ලැබී ඇත.
අද (02දා) උදේ 6.00න් අවසන් වූ පැය 24ක කාලය තුළදී පමණක් පැමිණිලි 10ක් වාර්තා වී තිබෙන අතර, ඉන් පැමිණිලි තුනක් අපරාධමය සිද්ධීන් සම්බන්ධයෙන් ලැබී තිබේ.
