නීතිවිරෝධී පිරමීඩ යෝජනා ක්‍රම දිරිමත් කරන්නන්ට එරෙහිව අපරාධ නඩු විධාන සංග්‍රහය යටතේ නීතිය ක්‍රියාත්මක කළ හැකි බව ශ්‍රී ලංකා මහ බැංකුව අවධාරණය කරයි.
ඒ අනුව එවැනි ක්‍රියාකාරකම්වල යෙදෙන්නන් වරෙන්තුවක් නොමැතිව අත්අඩංගුවට ගත හැකි අතර එය ඇප දිය නොහැකි වරදක් බව නීතියේ සඳහන් වේ. ශ්‍රී ලංකා මහ බැංකුව විසින් තහනම් කරන ලද පිරමීඩ යෝජනා ක්‍රම නීත්‍යානුකූල බව පෙන්වීමට විවිධ උපක්‍රම (නම සහ ව්‍යාපාර නාමය වෙනස් කිරීම) භාවිතා කරන බව ශ්‍රී ලංකා මහ බැංකුව අවධාරණය කළේය.
ඒ පිළිබඳව අදහස් දක්වමින් ශ්‍රී ලංකා මහ බැංකුව ප්‍රකාශ කර ඇත්තේ නීත්‍යානුකූල නොවන යෝජනා ක්‍රම සාධාරණීකරණය කිරීම සඳහා කරුණු හතරක් මත ආයෝජන ලබා ගැනීමට ජාවාරම් පිරමීඩ ක්‍රියා කරන බවයි.ඒ පිළිබඳව මහජනතාවගෙන් පැමිණිලි රැසක් මහ බැංකුවට ලැබී තිබෙනවා.
- මෙම ඔන්ලයින් යෝජනා ක්‍රම නීත්‍යානුකූල පෙනුමක් ඇති කිරීමට ක්‍රියා කරන වංචනිකයින් තම ව්‍යාපාර මහ බැංකුවේ රෙගුලාසිවලට අනුකූලව ආයෝජකයින්ගේ අරමුදල් ආරක්ෂා කරන බවට ප්‍රකාශ කරයි.
- අදාළ බදු මුදල් යෝජනා ක්‍රමය හරහා රජයට නිසි පරිදි ගෙවන බවද එහි සඳහන් වේ.
- යෝජනා ක්‍රමයට සහභාගිවන්නන්ගේ මුදල් ආපසු ලබා ගැනීම සඳහා, ඔවුන් කියා සිටින්නේ ඔවුන්ගේ පුද්ගලික මුදලින් CBSL වෙත ආදායම් බැඳුම්කරයක් ගෙවීමට සිදුවන බවයි. එසේ නොකළහොත් ශ්‍රී ලංකා මහ බැංකුව විසින් ඔවුන්ගේ අරමුදල් අත්හිටුවන බව ඔවුහු පවසති.
ජනතාව නොමඟ යවන මෙම යෝජනා ක්‍රම පිළිබඳව මහ බැංකුව සමඟ සාකච්ඡා කරන බව මෙම ජාවාරම්කරුවන් හිතාමතාම ප්‍රකාශ කරති. කෙසේ වෙතත් නීතිවිරෝධී යෝජනා ක්‍රම පවත්වාගෙන යන ජාවාරම්කරුවන් මහ බැංකුව සමඟ සම්බන්ධතා පවත්වන බවට කෙරෙන ප්‍රකාශ ශ්‍රී ලංකා මහ බැංකුව තරයේ ප්‍රතික්ෂේප කරයි. එම ප්‍රකාශවල කිසිදු සත්‍යතාවක් නොමැති බව ජනතාවට දැනුම් දෙනවා.
ශ්‍රී ලංකා මහ බැංකුවේ වෙබ් අඩවියේ සහ විදේශ විනිමය දෙපාර්තමේන්තුවේ වෙබ් අඩවියේ ශ්‍රී ලංකා මහ බැංකුවේ බලපත්‍රලාභී සහ නියාමනය කරන ලද ආයතන ලැයිස්තුවක් දක්වා ඇත. එබැවින් මහ බැංකුවේ එවැනි ලියාපදිංචි ආයතනවල හැර වෙනත් ආයතනවල මුදල් ආයෝජනය නොකළ යුතුය. මෙම යෝජනා ක්‍රම පිළිබඳව ප්‍රවේශම් සහගතව සහ අවධානයෙන් සිටින ලෙස ශ්‍රී ලංකා මහ බැංකුව මහජනතාවට වැඩිදුරටත් දැනුම් දෙයි.
එවැනි යෝජනාවලට සම්බන්ධ වීමෙන් තමන් දුක් මහන්සියෙන් උපයාගත් මුදල් අහිමි වීමේ වැඩි සම්භාවිතාවක් ඇත.එවැනි යෝජනා ක්‍රමවල නිරත නොවන ලෙස හෝ ආයෝජනය නොකරන ලෙස මහ බැංකුව වැඩිදුරටත් උපදෙස් දෙයි.
