2024 ජනාධිපතිවරණයේ දෙවැනි මනාප ගණන් කිරීම සම්බන්ධයෙන් අක්‍රමිකතා සිදුව ඇති බවට චෝදනා කරන අතරම, අවශ්‍ය වුවහොත් නීතිමය ක්‍රියාමාර්ග ගන්නා බව සමගි ජන බලවේගය අද ප්‍රකාශ කළා.
සමගි ජන බලවේගයේ ප්‍රධාන ලේකම් රංජිත් මද්දුමබණ්ඩාර අද පැවති මාධ්‍ය හමුවකදී කියා සිටියේ තම පක්ෂයේ නියෝජිතයින් නොමැතිව ඇතැම් ගණන් කිරීමේ මධ්‍යස්ථානවල දෙවන ගණන් කිරීම ආරම්භ කර ඇති බවයි.
“අපි ඉල්ලා සිටියා දෙවැනි ගණන් කිරීම අපේ පක්ෂ නියෝජිතයන් ඉදිරියේ කරන්න කියලා. නමුත් අපේ නියෝජිතයන්ට ගණන් කිරීමේ මධ්‍යස්ථානවලට ඇතුළුවීමට අවසර දීලා නැහැ,” ඔහු පැවසීය.
