ශ්‍රී ලංකාවේ සහ විදේශයන්හි තෙල් හා ගෑස් කැණීම් ආරම්භ කිරීම සඳහා ශ්‍රී ලංකා තෙල් හා ගෑස් සමාගම පිහිටුවීමට කැබිනට් අනුමැතිය හිමි වූ බව බලශක්ති අමාත්‍ය උදය ගම්මන්පිල මහතා බලශක්ති අමාත්‍යාංශයේ පැවති මාධ්‍ය හමුවකදී පැවසීය.
ඒ අනුව ඉදිරියේදී ආරම්භ කිරීමට නියමිත ශ්‍රී ලංකා තෙල් හා ගෑස් සමාගමට තවත් වසර 10 කින් ශ්‍රී ලංකාවේ සහ විදේශයන්හි තෙල් හා ගෑස් ගවේෂණ සිදුකිරීමට හැකිවනු ඇති බවද හෙතෙම පැවසීය.
“ඒ අනුව විදේශීය සමාගම් ආකර්ෂණය කර නොගෙන ගවේෂණ කටයුතු සිදු කිරීමට අපට හැකි වෙනවා. මැලේසියාවේ පෙට්‍රෝනාස් සහ ඉන්දියාවේ ඕ.එන්.ජී.සී. ඒ ආදර්ශයට ගනිමින් මෙවැනි සමාගමක් පිහිටුවීමට තීරණය කළා
ශ්‍රී ලංකාවේ තෙල් ගවේෂණයෙන් නිලධාරීන් හෝ දේශපාලනඥයන් අතලොස්සකට වඩා රටේ ජනතාවට ප්‍රතිලාභ සැලසීම සමාගම පිහිටුවීමේ අරමුණ බව ඔහු පැවසීය.
අදාළ වන රාජ්‍ය – පුද්ගලික හවුල්කාරිත්වය යටතේ ජාතික ස්වභාවික ගෑස් සමාගමක් පිහිටුවීමට රජය කටයුතු කරන බව ‘ශ්‍රී ලංකා ස්වභාවික ගෑස් පිළිබඳ ජාතික ප්‍රතිපත්තිය’ ප්‍රකාශ කර ඇත. දේශීය ස්වාභාවික වායු ගවේෂණය සහ නිෂ්පාදනය ඇතුළුව ගබඩා කිරීම, නල මාර්ග ඉදිකිරීම, ප්‍රවාහනය සහ බෙදා හැරීම යටිතල පහසුකම් සංවර්ධනය, හිමිකාරිත්වය සහ අධීක්ෂණය කිරීම මෙහි අරමුණයි.
සමාගම ලංකා ඛනිජ තෙල් නීතිගත සංස්ථාවේ අනුබද්ධ සමාගමක් ලෙස ස්ථාපිත කිරීමට යෝජිත අතර 2021 අංක 21 දරන ඛනිජ තෙල් සම්පත් පනතේ V වගන්තිය ප්‍රකාරව පවරා ඇති ක්‍රියාකාරකම් සහ කාර්යයන් ඉටු කිරීමේ වගකීම සමාගමට පැවරේ.
ඉන්ධන මිල ස්ථායීකරණ අරමුදලක් පිහිටුවීමට පසුගිය අමාත්‍ය මණ්ඩල රැස්වීමේදී අනුමැතිය හිමි වූ අතර ලෝක වෙළෙඳපොළේ මිල උච්චාවචනයෙන් ජනතාව පීඩාවට පත්වීම වළක්වා ඉන්ධන මිල හැකිතාක් ස්ථාවරව තබා ගැනීමට මෙමගින් හැකිවනු ඇතැයි ද ඇමැතිවරයා කීය.
“මේ මොහොතේ කළ යුත්තේ ශ්‍රී ලංකාවට වහාම මිල සූත්‍රයක් ක්‍රියාත්මක කිරීමයි,” මංගලගේ මිල සූත්‍රය විවේචනය කර මිල සූත්‍රයක් යෝජනා කරන්නේ මන්දැයි ජනතාව ප්‍රශ්න කරන අතරම මංගලගේ සූත්‍රයේ ප්‍රධාන කරුණු දෙකක් – අඩුව තිබූ බවත් ඇමැතිවරයා පැවසීය. මිල සූත්‍රයකට වඩා මිලකරණයේ විනිවිදභාවය සහ මිල ස්ථායීකරණ අරමුදල ශ්‍රී ලංකාවට වඩාත් යෝග්‍ය වේ.
මිල ස්ථායීකරණ අරමුදල ශ්‍රී ලංකාවට වඩාත් සුදුසු නමුත් කිසිවක් නොකර අඩුම තරමින් මිල සූත්‍රයක් හෝ තිබීම රටට අවශ්‍ය බවත් අමාත්‍ය උදය ගම්මන්පිල මහතා වැඩිදුරටත් පැවසීය.
