“අපේ රට ආයෝජනය කිරීමට සහ සංවර්ධනය කිරීමට ඩයස්පෝරාව ශ්‍රී ලංකාවට පැමිණෙන තෙක් අපි නොඉවසිල්ලෙන් බලා සිටිමු. කිලිනොච්චියේ බොහෝ ව්‍යාපාර අයත් වන්නේ ඩයස්පෝරාවටයි. අපි ඩයස්පෝරාවට මෙතනට එන්න කියලා ආරාධනා කරනවා, ආයාචනා කරනවා. මෙතන ඉඩම් ප්‍රශ්න විසඳිලා, දැන් රනිල් වික්‍රමසිංහ මහත්තයා රටේ ජනවාර්ගික ප්‍රශ්න නැතිවෙන වටපිටාවක් හදලා තියෙනවා.
දැන් අපි රට වෙනුවෙන් එකතු විය යුතු කාලයයි. ජාති, ආගම්, කුල, පක්‍ෂ පසෙක ලා කටයුතු කිරීමට කාලයයි. රට ගොඩනැගීමට කාලයයි. ඒ නිසා අපි හැමෝටම ආරාධනා කරනවා ශ්‍රී ලංකාව සමඟ එකතු වෙලා අපේ රට ගොඩනගන්න කියලා.
කම්කරු හා විදේශ රැකියා අමාත්‍ය මනූෂ නානායක්කාර මහතා මේ බව පැවසුවේ පසුගිය 13 වැනිදා පැවැති ‘කිලිනොච්චි – ජයගමු ශ්‍රී ලංකා’ දිස්ත්‍රික් ජංගම වැඩසටහනේ දෙවැනි දින වැඩසටහන වන ‘ස්මාර්ට් යූත් ක්ලබ්’ රැස්වීම අමතමිනි.
රට ආර්ථික අභියෝගවලට මුහුණ දුන් විට ඩොලර් බිලියන 12ක් මෙරටට එවූ විදේශ ශ්‍රමිකයන් විශාල දායකත්වයක් ලබාදුන් බවද ඇමැතිවරයා කීය. ජාත්‍යන්තර ව්‍යාපාරික එලොන් මස්ක්ට ශ්‍රී ලංකාවේ ව්‍යාපාර ආරම්භ කිරීමට ජනාධිපතිවරයා මූලික අවසරය ලබාදී ඇති බවද ඔහු සඳහන් කළේය.
“මේ රටේ මිනිස්සු පිටරට ගිහින් මුදල් උපයලා අත්දැකීම් සහ දැනුම ලබාගෙන ලංකාවේ හොඳ ව්‍යවසායකයින් වෙන්න ඕන. ඔබ හැම විටම රට තුළ රැඳී සිටිය යුතු නැත. විදේශගත වීමට කැමති අයට අවශ්‍ය සියලුම සේවාවන් සපයමින් ශ්‍රී ලංකා විදේශ සේවා නියුක්ති කාර්යාංශයේ පළාත් කාර්යාලය විවෘත කිරීමට නියමිත බව අද අපි සුබ ආරංචියක් ගෙන ආවා. අපි ලෝකයේ කොතැනක ජීවත් වුවත්, අපේ රටේ අපට තිබෙන නිදහස, පිළිගැනීමක්, ගෞරවයක් නැහැ.
මීට වසර තිහකට පෙර ඔබේ සහෝදරයන්, සහෝදරියන්, මව්වරුන්, පියවරුන් ඉන්ධන, ලයිට්, ආහාර නොමැතිව බොහෝ දුක් වින්දා. ඔවුන් ඉගෙන ගත්තේ බෝම්බ හඬ ඇසීමෙන්. අම්මලා ඔයාව ආරක්ෂා කළේ බැරල්වල නිදාගන්න සැලැස්වීමෙන්. බැරල් එක ඇතුලේ ඉගෙන ගෙන අමාරුවෙන් ජීවිතය ගොඩනගාගත් ඔබට ඉහළම ලකුණු ලබාගෙන දකුණේ විශ්වවිද් යාලවලට එන්න කියලා දකුණේ කවියෙක් කවියක් ලියා තිබෙනවා.
නමුත් අපේ පළාත්වල ජනතාවට තෙල්, විදුලිය, බෙහෙත් නැතිව මාස කිහිපයක් ජීවත් වෙන්න බැරි වුණා. එකල අපේ ප්‍රධාන ප්‍රශ්නය වූයේ ඩොලර් හිඟය වන අතර අපේ විදේශගත ශ්‍රමිකයන්ට සහ ඩයස්පෝරාවට ඩොලර් එවන ලෙස ආරාධනා කළේ ඒ කාලයේ දී සහන ලබාදීය. අපගේ විදේශගත සේවකයන් ප්‍රතිචාර දැක්වූ අතර අපට ඩොලර් බිලියන 12ක් එව්වා. රට සංවර්ධනය කිරීමට තරුණ පරපුර ආයෝජකයින් විය යුතුයි.
ඇතැම් දේශපාලන නායකයන්ගේ අශුභවාදී අදහස්වලට හසු නොවී සෑම විටම ධනාත්මකව සිතන තරුණ පරපුරක් අපට අවශ්‍යයි. රනිල් වික්‍රමසිංහ මහත්තයා මුලින්ම අභියෝග බාරගත්තම හැමෝම කිව්වේ ‘හා දැන් මටත් දෙන්න’ ඔහු සඳහන් කළේය.
