අනුරාධපුර ප්‍රදේශයේ පදිංචි 12 හැවිරිදි දරුවෙකුට දෙමාපියන් ජංගම දුරකථනය භාවිත කිරීමට ඉඩ නොදීම හේතුවෙන් සියදිවි හානිකරගෙන තිබෙනවා.
මියගිය දරුවාගේ ඥාතීන් පවසන්නේ ඔන්ලයින් අධ්‍යාපනය සඳහා දෙමාපියන් ලබාදුන් ජංගම දුරකථනයෙන් ඔහු නිතර ජංගම ක්‍රීඩා කිරීමට පුරුදුව සිටි බවයි.
දරුවාගේ නැන්දා පවසන්නේ ඔහු නිවසේ වහලයේ කඹයකින් එල්ලී මිය ගිය බවයි.
දරුවා ක්‍රීඩා කළ ජංගම ක්‍රීඩාවක් පදනම් කරගෙන මෙම කඹය සකස් කර ඇති බවටද ඇය සැක කරයි. මේ පිළිබඳව සොයා බලා මෙම ක්‍රීඩා තහනම් කරන ලෙස ඇය බලධාරීන්ගෙන් ඉල්ලා සිටියාය.
වින්දිතයා අනුරාධපුර ශාන්ත ජෝශප් විද්‍යාලයේ 7 වැනි ශ්‍රේණියේ ඉගෙනුම ලබයි.
