අන්තරායකර බැක්ටීරියා සහ සංකූලතා ඇති කරන සුන්බුන් අඩංගු විය හැකි බැවින් ගංවතුර ජලයේ ඇවිදීමෙන් හෝ පිහිනීමෙන් වළකින ලෙස ශ්‍රී ලංකා සෞඛ්‍ය බලධාරීන් ජනතාවගෙන් ඉල්ලා සිටී.
ගංවතුරෙන් හානි වූ ආහාර පරිභෝජනයෙන් වළකින ලෙස ද සෞඛ්‍ය අමාත්‍යාංශය ජනතාවට දැනුම් දෙනවා.
තවද, රෝගී තත්ත්වයන් වලක්වා ගැනීම සඳහා ළමුන් සහ සුරතල් සතුන් අපවිත්‍ර ජලයෙන් ඈත් කරන ලෙසත්, අසනීපයේ රෝග ලක්ෂණ ඇත්නම් වහාම වෛද්‍ය ප්‍රතිකාර ලබා ගන්නා ලෙසත් වැඩිහිටියන්ගෙන් ඉල්ලා සිටී.
මේ අතර, ‘මී උණ’ ලෙස පොදුවේ හඳුන්වන ලෙප්ටොස්පයිරෝසිස් රෝගය පැතිරයාම සම්බන්ධයෙන් අවධානයෙන් පසුවන ලෙස සෞඛ්‍ය බලධාරීන් ජනතාවගෙන් ඉල්ලා සිටියි.
ගංවතුර බැස යන විට, ලෙප්ටොස්පයිරෝසිස් රෝගීන්ගේ සැලකිය යුතු වර්ධනයක් ඇති විය හැකි බව සෞඛ්‍ය අමාත්‍යාංශයේ නිලධාරියෙක් පැවසීය.
“පශ්චාත් ගංවතුර කාලසීමාව තුළ වඩාත් විමසිලිමත් වන ලෙස අපි පළාත් සෞඛ්‍ය බලධාරීන්ට උපදෙස් දී තිබෙනවා,” එම නිලධාරියා ප්‍රකාශ කළේය.
ලෙප්ටොස්පයිරෝසිස් රෝග ලක්ෂණ අතර දිගුකාලීන අධික උණ, දරුණු කොඳු ඇට පෙළේ වේදනාව, දැඩි හිසරදය සහ මාංශ පේශි වේදනාව ඇතුළත් වේ. මෙම රෝග ලක්ෂණ ඇති ඕනෑම අයෙකු වහාම වෛද්‍ය ප්‍රතිකාර ලබා ගන්නා ලෙස අමාත්‍යාංශය උපදෙස් දෙයි.
