මානව හිමිකම් පිළිබඳ එක්සත් ජාතීන්ගේ මහ කොමසාරිස් Volker Türk මානව හිමිකම් කවුන්සිලයේ 55 වැනි සැසිවාරයේදී ශ්‍රී ලංකාවේ යෝජිත ව්‍යවස්ථාදායක ක්‍රියාමාර්ග පිළිබඳව දැඩි කනස්සල්ල පළ කරමින් මූලික අයිතිවාසිකම් සහ නිදහස කෙරෙහි ඇති විය හැකි බලපෑම පිළිබඳව අනතුරු ඇඟවීය.
ඔන්ලයින් ආරක්ෂණ පනත, ත්‍රස්තවාදයට එරෙහි පනත් කෙටුම්පත, විද්‍යුත් මාධ්‍ය විකාශන අධිකාරිය පනත් කෙටුම්පත සහ රාජ්‍ය නොවන සංවිධාන අධීක්ෂණ සහ ලියාපදිංචි කිරීමේ පනත ඇතුළු නව නීති කිහිපයක් හඳුන්වාදීම Türk අවධාරණය කළේය.
“මෙම නීති පනවනු ලැබුවහොත්, විධායකයට, ආරක්ෂක හමුදාවන්ට පුළුල් බලතල ලබා දිය හැකි අතර, රැස්වීමේ, සංගමයේ සහ ප්‍රකාශනයේ නිදහස දැඩි ලෙස සීමා කළ හැකිය,” ඔහු පැවසීය.
එපමනක් නොව, දරිද්‍රතා මට්ටම් ඇස්තමේන්තුගත 27.9% දක්වා ඉහල යාම සහ කුටුම්භ ආදායමේ සැලකිය යුතු පහත වැටීමක් සමග ශ්‍රී ලංකාව තුල පවතින ආර්ථික අර්බුදය ගැන Türk අවධාරනය කලේය. රජයේ උත්සාහයන් නොතකා, අයවැයෙන් සැලකිය යුතු කොටසක් ණය සේවා සඳහා වෙන් කර ඇති අතර, සමාජ ආරක්ෂණය දැඩි ලෙස පවතී.
එක්සත් ජාතීන්ගේ මහ කොමසාරිස්වරයා වසර 15 කට පෙර සිවිල් යුද්ධයේ අවසානය දක්වා දිවෙන මානව හිමිකම් කඩවීම්, නොවිසඳුණු අතුරුදහන් කිරීම්, ඉඩම් ආරවුල් සහ පළාත් සභා සහ පළාත් පාලන ආයතන විසින් පොරොන්දු වූ බලය බෙදා හැරීමේ ඌනතාවයන් පිළිබඳව ද අවධානය යොමු කළේය.
තවද, සත්‍යය, එකමුතුකම සහ සංහිඳියාව සඳහා වූ කොමිෂන් සභාවක් සඳහා නීති කෙටුම්පත් හඳුන්වා දී තිබියදීත්, පාස්කු ඉරිදා බෝම්බ ප්‍රහාරයෙන් විපතට පත් වූවන්ට යුක්තිය ඉටුවීම ප්‍රමාද වීම ගැන ටර්ක් කනස්සල්ල පළ කළේය. සිවිල් සමාජ නියෝජිතයන් සහ මාධ්‍යවේදීන් නිරීක්ෂණය කිරීම, හිරිහැර කිරීම සහ අත්අඩංගුවට ගැනීම් පිළිබඳ චෝදනා දිගටම පවතින අතර, වගවීම සහ සත්‍ය සෙවීම සඳහා කරදරකාරී පරිසරයක් පෙන්නුම් කරයි.
2010 දී පුද්ගලයෙකුට වධහිංසා පැමිණවීම සම්බන්ධයෙන් ශ්‍රේෂ්ඨාධිකරණය විසින් සොයාගනු ලැබුවද, නව පොලිස්පතිවරයා පත්කිරීම සම්බන්ධයෙන් එක්සත් ජාතීන්ගේ සංවිධානය ද අවධානය යොමු කරන බව ඔහු පැවසීය.
ලිංගික ප්‍රචණ්ඩත්වය ඇතුළු පැහැරගැනීම්, නීතිවිරෝධී රඳවා තබාගැනීම් සහ වධහිංසා පැමිණවීම් පිළිබඳ වාර්තා ඉස්මතු කරමින්, ටර්ක් පුළුල් ආරක්ෂක අංශයේ ප්‍රතිසංස්කරණවල හදිසි අවශ්‍යතාවය අවධාරනය කළේය. මෙම අභියෝග මධ්‍යයේ වුවද, අව්‍යාජ සංහිඳියාවක් සහ තිරසාර සාමයක් සඳහා ගැටුම් සහ ආර්ථික අර්බුදයේ මූල හේතු ආමන්ත්‍රණය කිරීමේ වැදගත්කම එක්සත් ජාතීන්ගේ මහ කොමසාරිස්වරයා යළිත් අවධාරණය කළේය.
ප්‍රතිගාමී නීති සහ අත්තනෝමතික ප්‍රවේශයන් වල ප්‍රවනතාව ආපසු හැරවිය යුතු බවට ශ්‍රී ලංකා රජයෙන් ටර්ක් ඉල්ලා සිටි අතර මානව හිමිකම් උල්ලංඝනය කිරීම් සහ ආර්ථික අපරාධ විමර්ශනය කිරීමට සහ නඩු පැවරීමට විශ්වාසනීය වගවීමේ ක්‍රියාමාර්ග ඉල්ලා සිටියේය.
සාර්වත්‍රික අධිකරණ බලය සහ චූදිත අපරාධකරුවන්ට එරෙහිව ඉලක්කගත ක්‍රියාමාර්ග ඇතුළුව මෙම උත්සාහයන් ශක්තිමත් කරන ලෙස ඔහු සාමාජික රටවලින් ඉල්ලා සිටියේය.
